Hoshbam (prayer at dawn)

Hoshbam (prayer at dawn)

Avestan1. atha imã vacô dreñjayôish ýôi anghen vârethrakhnyôtememca baêshazyôtememca, pañca ahuna vairya frasrâvayôish, ýathâ ahû vairyô...(5). ahunem vairîm tanûm pâiti, ýathâ ahû vairyô.... kêm-nâ mazdâ ... nemascâ ýâ ârmaitish îzhâcâ. ashem vohû.... ýathâ ahû vairyô...(21). ashem vohû...(12). 2. nemase-tê (hôsh-bâmî)(3). aêtat dim vîspanãm mazishtem dazdyâi ahûmca ratûmca ýim ahurem mazdãm snathâi angrahe mainyêush drvatô snathâi aêshmahe xrvîm-draosh snathâi mâzainyanãm daêvanãm snathâi vîspanãm daêvanãm varenyanãmca drvatãm. (vâzh bê guft,) (shkasta ganâmainyô âharman br lêânat sat hazâr bâr.) 3. fradathâi ahurahe mazdå raêvatô hvarenanguhatô fradathâi ameshanãm speñtanãm fradathâi tishtryehe stârô raêvatô hvarenanguhatô fradathâi narsh ashaonô fradathâi vîspanãm speñtahe mainyêush dâmanãm ashaonãm. ýathâ ahû vairyô...(2). 4. vanghuca vanghåsca âfrînâmi vîspayå ashaonô stôish haithyâica bavãithyâica bûshyãithyâica ashîm râsaiñtîm darekhô-vârethmanem mishâcim hvô-aiwishâcim mishâcim âfrasånghaitîm bareñtîm vîspå baêshazå apãmca gavãmca urvaranãmca taurvayeiñtîm vîspå tbaêshå daêvanãm mashyânãmca areshyañtãm ahmâica nmânâi ahmâica nmânahe nmânô-patêe. vanguhîshca adhå vanguhîshca ashayô hupaurvå vahehîsh aparå râsaiñtîsh darekhô- vârethmanô ýatha-nô mazishtåsca vahishtåsca sraêshtåsca ashayô erenavañte. ameshanãm speñtanãm ýasnâica vahmâica xshnaothrâica frasastayaêca fradathâi ahe nmânahe fradathâi vîspayå ashaonô stôish hamistêe vîspayå drvatô stôish, stavas ashâ ýê hudå ýôi heñtî. vasasca tû ahura-mazda ushtâca xshaêsha havanãm dâmanãm, vasô âpô vasô urvarå vasô vîspa vohû ashacithra xshayamnem ashavanem dâyata axshayamnem drvañtem. vasô-xshathrô hyât ashava, avasô-xshathrô hyât drvå gatô hamistô nizhberetô haca speñtahe mainyêush dâmabyô varatô avasô-xshathrô. haxshaya azemcit ýô zarathushtrô fratemã nmânanãmca vîsãmca zañtunãmca dah'yunãmca ainghå daênayå anumatayaêca anuxtayaêca anvarshtayaêca ýâ âhûirish zarathushtrish. 5. ýatha-nô ånghãm shyâtô manå vahishtô urvãnô hvâthravaitîsh tanvô heñti vahishtô anghush âkåscôit âhûire mazda jaseñtãm. >> asha vahishta asha sraêshta daresâma thwâ pairi thwâ jamyama hamem thwâ haxma. ashem vohû.... <<(3) ahmâi raêshca .... hazangrem ... jasa-mê ... (kerba mazhd...) atha jamyât ýatha âfrînâmi. ashem vohû...!!